10
S 184

Coenwulf, king of the Mercians, grants fifteen hides (mansae) at Culham, with pasture at Otney, Oxfordshire, to the minster and monks of Abingdon. A.D. 821

Archive: Abingdon

TEXT

Regnante inperpetuum omnipotenti Deo et Domino nostro Iesu Christo. Ego Kenulfus rex Merciorum, de consilio et consensu episcoporum et senatorum gentis mee, monasterio Abbandunensi et monachis inibi Deo seruientibus quandam ruris mei portionem, id est quindecim mansas in loco qui a ruricolis nuncupatur Cullanhamme, cum omnibus utilitatibus ad eam pertinentibus, tam in magnis quam in modicis rebus, campis uidelicet, pratis, pascuis, diriuatisque cursibus aquarum, piscationibus et cum pastura que Otteney appellata est, in eternam largitus sum hereditatem. Quam donationem feci pro petitionibus sororum mearum, <Keneswyth> et Burgenilde, que in predicto monasterio temporalem sibi elegerunt sepulturam. Sit autem predictum ius liberum ab omni regali obstaculo et episcopali iure in sempiternum euum, ut heritatores eius nullius regis aut ministrorum suorum episcopiue aut suorum officialium iugo deprimantur, sed in cunctis rerum eventibus et discutionibus causarum abbatis Abandunensis monasterii decreto subiciantur. Siquis igitur hanc meam donationem in aliud quam constitui transferre uoluerit, priuatus consortio sancte Dei ecclesie eternis baratri incendiis lugubris iugiter cum Iuda Christi proditore puniatur, si non satisfactione emendauerit congrua quod contra meum deliquid decretum. Istis terminis predicta terra girata esse uidetur, þis bec e lademera. Karaxeta est autem cartula huius donationis anno dominice incarnationis .dcccxxi., regni autem mei anno .xi., hiis testibus consentientibus et cum signo sancte crucis corroborantibus, quorum inferius nomina notantur.

+ Ego Kenulfus rex hanc donationem meam cum signo crucis Christi confirmavi.
+ Ego Eldrida regina cum ipsius signo crucis corroboraui.
+ Ego Kenelmus filius regis consensi.
+ Ego Cybeorth episcopus faui et subscripsi.
+ Ego Wygbeorth episcopus consensi et subscripsi.
+ Ego Odo episcopus consensi et subscripsi.
+ Ego Wor episcopus consensi et subscripsi.
+ Ego Wyothrcan princeps.
+ Ego Lulla princeps.
+ Ego Uuighfrit princeps.
+ Ego Eyrie princeps.
+ Ego Ealmund princeps.
+ Wullaf minister.
+ Withgari minister.
+ Wulfruc minister.
+ Eadred minister.
+ Orideah minister.
+ Eadruc minister.
+ Wulfhelm minister.

Edition: Charters of Abingdon Abbey, Part 1, ed. S. E. Kelly, Anglo-Saxon Charters 7 (Oxford: Published for The British Academy by Oxford University Press, 2000), pp. 45-6 (no. 10).