29
S 155

Coenwulf, king of the Mercians, restores thirty sulungs (aratra) at Charing, ten at Seleberhtes cert alias Bryning lond (Great Chart) and four at Humbing lond in Barham, Kent, to the metropolitan church of the Saviour [Christ Church], Canterbury. A.D. 799

Archive: Canterbury, Christ Church

In nomine redemtoris mundi Ego Coenuulf gratia Dei rex Merciorum . Aeðilheardo archiepiscopo nostro rogante terram .xl.iiii. aratrorum ad metrapolitanam saluatoris ecclesiam spe futur= reconpensationis reddo ubi ita nominatur aet Ciorrincge xxx. aratrorum aet Seleberhtes cert siue Bryning lond decem Quas uidelicet terras olim rex Egcberhtus magnarum reconpensatione gazarum ad prenominatam perdonauit ecclesiam Item quattuor aratro ubi dicitur Humbing lond . on Biora ham Quam etiam terram prefatus Egcberhtus suo ministro nomine Aldhun tradidit At ille ultra mare tendens suum dederat agrum predictam familiae quae morabatur ad ecclesiam saluatoris . sibimet ipsis in ius proprium et in dominium communis necessitatibus ad habendum et fruendum feliciter in Domino Sed harum post modum possessiones terrarum Offa rex et decus Brittaniae inmutauit suisque distribuit ministris dicens iniustum fuisse quod minister eius presumsisset terram sibi a domino distributam absque eius testimonio in alterius potestatem dare Sed modo tamen ego rex Coenuulfus rogatu prefati pontificis consensientibus omnibus episcopis ac principibus nostris earundem terrarum possessionem pro mea perpetua salute et pace ac uictoria amicissimae Merciorum plebis necnon et erogatione pecuni= cuius aestimatio centum tenet mancusas . eodem modo et eodem condicione siue ecclesiam Christi seu etiam illa .iiii. aratra aet Burnan congregatione et familiae Dorouernensis eccle\si/= in ius prorium ad habendum perpetuo perdonabo . sicut ante fuisset constitutum \et condonatum/ sub Egcberhto regi et hanc donationem meam sub inlustrium testimonio uiuorum ut ita permaneant sanctae crucis sigillo confirmo.
Facta est autem haec utrumque donatio . anno dominicae incarnationis dcc^o.xc^o.viiii^o. in uicu regio . aet Tome worðige qui est tertius annus inperii nostri indictio . uero .vii.
+ Ego Coenuulf rex testes donabo et subscribo
+ Ego Hygeberht archiepiscopus consentio et subscribo.
+ Ego Aeðilheard archiepiscopus testes subscribo
+ Ego Unwuna episcopus subscribo.
+ Ego Cyneberht episcopus subscribo
+ Ego Alhheard episcopus subscribo
+ Ego Haðared episcopus subscribo
+ Ego Utel episcopus subscribo
+ Ego Tidferð episcopus subscribo

+ Ego Eaduulf episcopus subscribo
+ Ego Wiohthun episcopus subscribo
+ Ego Haðaberht episcopus subscribo
+ Ego Alhmund abbas
+ Ego Bionna abbas
+ Ego Forðred abbas
+ Ego Wigmund abbas

Hi benerbiles testes consenserunt et subscripserunt.
Uerte folium et inspicis nomina principum qui hoc consensientes signum manus imposuer[unt]

+ Eadgar dux
+ Uicga dux
+ Beornnoð dux
+ Heaberht dux
+ Cuðred dux
+ Lulling dux

Edition: Charters of Christ Church, Canterbury, ed. N. P. Brooks and S. E. Kelly, Anglo-Saxon Charters (The British Academy, forthcoming), no. 29. For apparatus criticus and a detailed commentary see this edition.

29A
S 155

Short version of 29.

Archive: Canterbury, Christ Church

[A]nno dominice incarnationis .dccxcix. Ego Ceneulfus rex, uenerabili archiepiscopo Athelardo et primate tocius Britannie rogante, reddo ecclesie Christi que est in Dorobernia quasdam terras quas olim rex Offa, eidem ecclesie ablatas, suis contulit ministris. Quarum nomina hec Cerringes, Selebertes ceart, Briningland et Burnan in parte occidentali Berham. Has ut prefatus sum terras, pro perpetua salute mea, rogatu prenominati pontificis consentientibusque episcopis et principibus meis, reddo liberas ab omni seculari seruitio et tributo regali, et hanc meam donationem ut inuiolata permaneat sigillo sancte crucis confirmo. Si quis dehinc easdem terras a iure praefate ecclesie amouerit, ex parte omnipotentis Dei et omnium sanctorum et nostra, scilicet tocius concilii in quo hic in nomine Domini congregati sumus, excommunicetur, et a Deo cum diabolo in infernum deputetur, nisi ante mortem Deo et eidem ecclesie Christi in Dorobernia ciuitate satisfaciat.

Edition: Charters of Christ Church, Canterbury, ed. N. P. Brooks and S. E. Kelly, Anglo-Saxon Charters (The British Academy, forthcoming), no. 29A. For apparatus criticus and a detailed commentary see this edition.