2
S 3

Æthelberht, king of the English, grants land to the east of Canterbury to the monastery of SS Peter and Paul. A.D. 605

Archive: Canterbury, St Augustine's

TEXT

+ In nomine Domini nostri Iesu Christi. Notum sit omnibus tam pr=sentibus quam posteris quod ego Æthelbertus Dei gratia rex Anglorum, per euangelicum genitorem meum Augustinum de idolatra factus Christicola, tradidi Deo per ipsum antistitem aliquam partem terr= iuris mei sub orientali muro ciuitatis Doroberni=, ubi scilicet per eundem in Christo institutorem monasterium in honore principum apostolorum Petri et Pauli condidi, et cum ipsa terra et cum omnibus qu= ad ipsum monasterium pertinent perpetua libertate donaui, adeo ut nec mihi nec alicui successorum meorum regum nec ulli unquam potestati siue =cclesiastic= siue seculari quicquam inde liceat usurpare, sed in ipsius abbatis sint omnia libera dicione. Si quis uero de hac donatione nostra aliquid minuere aut irritum facere temptauerit, auctoritate et beati pape Gregorii nostrique apostoli Augustini simul et nostra imprecatione sit hic segregatus ab omni sancte =cclesi= communione et in die iudicii ab omni electorum societate. Circumcingitur h=c terra his terminibus: in oriente =cclesia sancti Martini, et inde ad orientem be sywenne dune, et sic ad aquilonem be Wykenge mearce, iterumque ad orientem et ad austrum be burnware mearce, item ad orientem et ad austrum be suth burnware mearke, et sic ad austrum et occidentem be kynges mearke, item ad aquilonem et orientem be kynges mearce, sicque ad occidentem to riðere ceape, et ita ad aquilonem to druting stræte.
Actum est hoc in ciuitate Dorouernie, anno ab incarnatione Christi .dcv., indictione .vi.

+Ego Athelbertus rex Anglorum hanc donationem meam signo sanct= crucis propria manu confirmaui.
+ Ego Augustinus gratia Dei archiepiscopus libenter subscripsi.
+ Ego Eadbaldus regis filius faui.
+ Ego Hamigisilus dux laudaui.
+ Ego Hocca comes consensi.
+ Ego Augemundus referendarius approbaui.
+ Ego Graphio comes benedixi.
+ Ego Tangisilus regis optimas confirmaui.
+ Ego Pinca consensi.
+ Ego Geddi corroboraui.

Edition: Charters of St Augustine's Abbey, Canterbury, and Minster-in-Thanet, ed. S. E. Kelly, Anglo-Saxon Charters 4 (Oxford: Published for The British Academy by Oxford University Press, 1995), pp. 9-11 (no. 2).