19
S 616

King Eadwig grants sixty hides (mansae) (possibly at Oving, Halnaker, Eartham and Up Waltham, Sussex) to Bishop Brihthelm and the brethren of Chichester. A.D. 956

Archive: Selsey

TEXT

Chichester, West Sussex Record Office, Ep VI/1/6 (Liber Y), 75rv: copy, s. xiii^med
Rubric: Carta de donat[i]one Vuinges Halfnake Erham Waltham ecclesie de Cyc'

Cataclismi tempestate sedata superstite quoque Noe prosapia eloncosmum restaurante a Nino rege Babilonie per arma pestifera tirannidem cepisse satis declarant historiographi, exin, aureo tempore finito necnon et eneo ferreo sequaces, modo ui pereuntes, modo mechanica arte ceteros fallentes, et persepe utroque omne subigerunt censum reddere uulgus usque ad calcem, ac sic fortuna ludente mancipari immobilis patitur terra subditis habenis in sceptrigere uoluntatis arbitrio. At tunc ueritas ipsa de terra resurgens humane inuentionis legi contraire extimplo paruipependit, unde apostolus inquit 'Cui honorem, honorem; cui uectigal, uectigal' et ueritas ipsa 'Reddite que sunt Cesaris Cesari et que sunt Dei Deo'. Hoc itaque prelibato ego Eadwig basileon totius Albionis hanc particulam terre mihi Deo donante sortitam in hereditario iure singulis impartiri haut pigeo ut eo fidelior quisque existat quo liberior abiecto censu apparet. Hinc igitur michi fidelissimo Brithelmo episcopo et fratribus Cyssecestre morantibus .lx. mansas diuersorum locorum quorum nomina et numerum infra monstrabit terminus ille, in diocesim perpetuam pro salute anime mee incunctanter offero. Idoneis diuersi ordinis astipulantibus uiris, libentissime concedo cum omnibus ad se pertinentibus, pratis, pascuis, siluis, solutos iugo regali, salua lege priuilegiorum. Interdiximus ergo neminem ausum ire hoc factum subuertere, anno incarnationis dominice .dcccclvi., imperii autem mei primo, nisi anathema Deo et omnibus sanctis fieri minime ducat.

Ego Eadwig rex gentium Albionis hoc donum immo commercium tripudialis crucis uexillo spontanee impressi.
+ Ego Eadgar indoles clito consensi.
+ Ego Oda archiepiscopus corroboraui.
+ Ego Oscytel episcopus confirmaui.
+ Ego Ælfsige episcopus adquieui.
+ Ego Wulfsige episcopus faui.
+ Ego Bryhthelm episcopus dictaui.
+ Ego Daniel episcopus subscripsi.

+ Ælfgar dux.
+ Aþelstan dux.
+ Ælfere dux.
+ Edmund dux.
+ Æþelmund dux.
+ Æðelwold dux.
+ Brithnoð dux.
Æðelgeard m.

+ Brithferd miles.
+ Ælfheah m.
+ Ælfine m.
+ Ælfwerd m.
+ Æðelweard m.
+ Ælfsige m.
+ Aðelmer m.
+ Ælfred m.

Edition: Charters of Selsey, ed. S. E. Kelly, Anglo-Saxon Charters 6 (Oxford: Published for The British Academy by Oxford University Press, 1998), pp. 80-2 (no. 19).