2
S 45, S 1172

(a) Nothhelm, king of the South Saxons grants thirty-three hides (cassati) at Lidsey, Aldingbourne, Lenstedegate (? Westergate) and Mundham, Sussex, to his sister Nothgyth. A.D.692
(b) Nothgyth transfers the land to Bishop Wilfrid. [A.D. 692 x 709]
(c) Confirmations by (i) Offa, king of the Mercians [A.D. c. 771 x 796]; (ii) Æthelwulf, king of the West Saxons [A.D. 839 x 858, ? 854]; (iii) Ceolwulf I, king of the Mercians [A.D. 821 x 823]

Archive: Selsey

TEXTS

(a)
In nomine Domini nostri Iesu Christi saluatoris. Ego Nothelmus rex Suthsax' pro remedio anime mee, sciens mihi in futuro prodisse, quicquid Christi menbris de mea propria possessione impendo, tibi Nothgide sorori mee aliquam terre partem libenter dabo, ad construendum in ea monasterium basilicamque erigendam que diuinis laudibus et sanctorum honoribus seruire uideatur, id est .xxxiii. cassatos in locis qui appellantur hoc est in Lydeseye et Aldyngborne .xii., æt Lenstedegate .x., in Mondehame .xi., in orientali plaga .ii., in occidentali .iii., ut possidendo teneas cum omnibus ad eam pertinentibus rebus, campis, siluis, pratis, pascuis. Si quis hanc donationem attributam tibi in maximo aliquo uel in modico minuere ausus sit, sciat se in districto omnipotentis Dei iudicio penam presumpcionis sue incurrere. Scripta est hec cartula anno ab incarnatione Christi .dcxcii.

+ Ego Nunna rex Sussax' consensi et subscripsi.
+ Ego Wattus rex consensi et subscripsi.
+ Ego Coenredus rex Westsaxonum consensi et subscripsi.
+ Ego Ine consensi et propria manu subscripsi.
+ Ego Eaedd episcopus consensi et subscripsi.
+ Ego Aldhelmus abbas subscripsi.
+ Ego Laguna abbas subscripsi.

(b)
Ego Noghgide famula Christi prefatam terram illam quam michi hereditarie per manus consanguineorum meorum in propriam potestatem trado Wilfrido episcopo reuerendissimo, hoc est .xxxiii. tributariorum, meque ei monacham facio, prestante Domino, deuota mente paratam peregrinari coram Deo omnipotenti.

(c)
Ego Offa rex Merciorum illam donationem que in alia parte huius paginule plenissime scripta tenetur cum meis fidelissimis testibus firmiter firmo. Ego Offa rex crucis signum impono + et cetera cum aliis testibus.
Ego Edelwlf gratia Dei occidentalium Saxonum rex qui donaui cum signo crucis Christi propriam manum impono ab omni regali seruicio et omni secularium causarum absoluta seruitute. Si hoc quis minuere uel mutare presumpserit, noscat se ante tribunal Christi rationem redditurum, nisi prius satisfaccione emendauerit.
Ego Ceolwlf rex Merciorum hanc prefatam terram, secundum peticionem Keinredi episcopi et eius placabil[ ... ], id est in numero .c. mancuse, ab omnibus curis secularibus in ecclesiasticam libertatem perdonabo cum meis fidelibus testibus et illis rogantibus et consencientibus.

+ Eadbrithus episcopus.
+ Keinredus episcopus.
+ Siredus dux.
+ Wulfridus dux.
Acta sunt hec in uilla que dicitur Deanitone.

Edition: Charters of Selsey, ed. S. E. Kelly, Anglo-Saxon Charters 6 (Oxford: Published for The British Academy by Oxford University Press, 1998), pp. 13-15 (no. 2).