2
S 1443

King Edward acquires land in Winchester on which to build a church from Bishop Denewulf and the community at Winchester, in return for St Andrew's church and its 'worthy'; King Edward also acquires more land in Winchester. [A.D. 901]

Archive: Winchester, Old Minster and Winchester, New Minster

TEXT

+ In nomine Domini. Ic Eadwerd cyning begeat æt Denulfe biscepe 7 æt ðæn hiwun on Winteceastre þa wind cirican 7 ðæt stænne slapern 7 ðærto ðæs landes be suðan ðære cirican 7 ðæn slepern .xxiiii. gerda on lange, 7 on bræde ðar hit bradest is fif gerda 7 ðær hit unbradost is anne gerde, to ðæn ðæt ic ðær mynster on gestaðolode, for mine saule hælo 7 mines ðæs arwyrðan fader Ælfredes cyninges. 7 ic let be ealra Westsexna witena geðeahte 7 leafe to biscepe 7 to þan hiwun sancte Andreas cirican 7 ðone worðig ðe ðærto geunnen wes, into ðære stowe on ece erfe, ðæt hit nage nan man fram ðære stowe to dælanne.
Ðonne is ðis se eaca ðe eallra Westseaxna witan ðærto eacan me gebocodon on ece erfe. Ærest suðrichte fron ðan beodærn to sancte Gregories cirican, ðonne from ðære suðwest hyrnan sancte Gregories cirican .xii. gerda westrichte to ðære strete, ðonne richte norð .xiii. gerde to ðære norðstræte, ðonne eastrichte .xliii. gerde 7 .vi. fet to ðære eaststrete, ðonne suðrichte .xx. gerde 7 .vi. fet to ðære suðstrete, ðonne westryhte be ðære suðstræte to ðæm lictune .vii. gerda 7 .vi. fet, ðonne ryhte norð .v. gerda.
Ðonne is ðæs ymbganges ealles ðreo furlang 7 ðreo metgerda.

+ Eadweard rex
+ Æðelweard frater regis
+ Plegmund archiepiscopus
+ Denewulf episcopus
+ Wilferð episcopus
+ Wulfsige episcopus
+ Asser episcopus
+ Wighelm episcopus
+ Ceolmund episcopus
+ Eadgar episcopus
+ Wimund episcopus
+ Byrnhelm abbud
+ Wihtbrord minister
+ Deormod minister
+ Beorhtsige minister
+ Ocea minister
+ Æðelstan minister
+ Wulfhelm minister
+ Alla minister
+ Beornstan minister
+ Wulfhelm minister
+ Beornstan presbyter
+ Tata presbyter
+ Wulfred
+ Beorhtulf presbyter
+ Beornulf diaconus
+ Eadstan diaconus
+ Eadulf
+ Ælfstan
+ Æðelstan
+ Wighelm
+ Wulfstan
+ Wulfric
+ Ealhstan
+ Wynsige
+ Eadulf
+ Wulfhelm
+ Wulfsige
+ Eadwold presbyter
+ Wulfnoð presbyter

Edition: Charters of the New Minster, Winchester, ed. Sean Miller, Anglo-Saxon Charters 9 (Oxford: Published for The British Academy by Oxford University Press, 2001), pp. 12-14 (no. 2).