30
S 869

King Æthelred confirms the grant of seven hides (manentia) at South Heighton, Sussex, to Bishop Æthelgar. South Heighton was granted to Æthelgar by Ealdorman Ælfric, in exchange for some land of Æthelgar's near the river Lambourne, Berkshire. A.D. 988 (16 April)

Archive: Winchester, New Minster

TEXT

Regnante in perpetuum Domino nostro Iesu Christo. Omnis status mundanarum rerum superno gubernatur moderatore eiusque inexhauste dapsilitatis largiflua distributione ac censura pietatis inuicte regum satrapumque prosapia mundi iam iamque principantur fastigio precluenti moderamine unde quicquid nobilitatis eorum industria statutum deliberatumue fuerit litterarum id fore credimus euidenti approbandum serie. Quapropter ego Athelredus, totius Albionis basileos, cuidam michi dilecto antistiti uocitato Ethelgaro, quandam telluris particulam id est .vii. manentia in eo loco qui ab incolentibus Heantun cognominatur, in perpetuam concedo hereditatem; quam denique terram fauente mee dignitatis sceptrigere licentia comes Alfricus prefato pontifici mutuationis ratione dederat pro ipsa certissimum terra que Lamburna dicitur, quam ego prius eidem episcopo libertatis dono condonaueram, dum pro quodam facinore ad mei iuris imperium extitisset addicta. Sit autem hec antedicta iam terra liberima ab omni mundiali obstaculo cum omnibus ad ipsam pertinentibus, in campis et pascuis, pratis ac siluis aquarumque cursibus; tribus tantummodo causis exceptis, que huius incole actenus patrie ritu obseruant legali, id est cum hostium cunei commilitonum corripere compulerint arma uel cum recuperationem expetunt pontium uada, seu cum arcis munitionem uastitas flagitat urbana. Libertatis igitur iure hanc tellurem prefatus possessor longeua tempestate possideat, et occidente inuido membrorum situ cuicumque sibi libuerit successori iure hereditario derelinquat. Si autem, quod absit, quispiam omnino hominum hanc euertere uel adnihilare studuerit paginulam, inuido animi tactus rancore seu per antiquioris scedule adinuentionem hanc presumptuose peruertere conamine stolido temptauerit cartulam, noctis horrifere letale excipiat exitium cum pertinaci acie inuidorum ubi Belial infandissimus miserie perpetue obtinet imperium, nisi mortis ante exitum per satisfactionem congruam tam peruerse machinationis infamiam emendare curauerit nimium.
Istis terminis ambitur prefata tellus. Erest on ða ea andlang dice on hocces clif, of hocces clif on snelles pytt, of snelles pytte andlang dic on cealfa hlinc, of cealfa hlinc on hafakes beorh, of hafakes beorh on ðone stanbeorh, of þan stanbeorhge on ræst linc on uearncumbe, of uearncumbe on eccinga hlæwe, of eccinga hlæwe on ðorn dene, of ðorn dene on deopan dell, of deopan delle on ðone readan stan, of þan readan stane on wærmundes stan, of wærmundes stane on langan hlinc, of langan hlince on ðone holan weg, of holan wege on kyneware treowe on grenan hlince into ðan fleote æt ho, of þan fleote þæt eft in ða ea.
Anno dominice incarnationis .dcccclxxxviii., indictione .i., .xvi. kalendas Maii, scripta est hec kartula, his consentientibus testibus qui subter caraxati certissime uisuntur. Est quoque .viiii. prefati regis imperii annis, dum huius mutuationis ac libertatis concessa ac titulata est firmitas.

+ Ego Eþelredus Anglorum imperator hanc libertatem satis placabili actu meo pontifici dilectissimo confirmaui
+ Ego Dunstanus Dorouernensis ecclesie archiepiscopus regis donationi libentissime faui
+ Ego Oswoldus Eboracensis ecclesie archiepiscopus consensi
+ Ego Ælfstanus Londonie presul adquieui
+ Ego Eþelgarus Australium Saxonum presul regis donationi summisse
+ Ego Æþelsinus Scireburnensis ecclesie presul stabiliui
+ Ego Elfheagus Wintoniensis ecclesie presul roboraui
+ Ego Sigericus Corbiensis ecclesie presul consignaui
+ Ego Escwius Dorcensis ecclesie presul impressi
+ Ego Ælfstanus Hrofensis ecclesie presul pretitulaui
+ Ego Athulphus Herefordensis ecclesie presul annotaui
+ Ego Æþelwine dux
+ Ego Beorhtnoð dux
+ Ego Ælfricus dux
+ Ego Æþelweard dux
+ Ego Ordbyrht abbas
+ Ego Eadwine abbas
+ Ego Leofric abbas
+ Ego Leofsige abbas
+ Ego Leofric abbas
+ Ego Wulfsige minister
+ Ego Ælfgar minister
+ Ego Ælfsige minister
+ Ego Æþelsige minister
+ Ego Ordulf minister
+ Ego Leofstan minister
+ Ego Osweard minister
+ Ego Wulfric minister
+ Ego Æþelmar minister

Edition: Charters of the New Minster, Winchester, ed. Sean Miller, Anglo-Saxon Charters 9 (Oxford: Published for The British Academy by Oxford University Press, 2001), pp. 140-2 (no. 30).